Volve o ciruito nocturno con outros 3 torneos, máis con cambios nos locais e días de celebración.
Tomade nota:
O que non cambia son os premios e o formato do torneo: 7 rondas a 10 minutos finish con partidas non supervisadas: isto é que haberá un encargado para anotar os resultados e un ambiente amigable e moi agradable no que non fará necesaria a interevención dun árbitro.
Os premios serán para os 5 primeiros clasificados da xeral, para a campiona feminina (acumulable), para os tres mellores veteranos (máis de 55 anos), sub18 e sub16, estes non acumulables e en caso de optar a dous daranse na orde na que están anunciados.
Como sempre, por cuestións de loxística, estará limitado a 80 participantes, así que non o deixedes para o final. Poderedes apuntarvos polos canais habituais, contactando cos organizadores do CX Fontecarmoa e no correo torneos@cxfontecarmoa.com. Un verán de xadrez está agardando por todos.
Acerca del autor
