CRONICA RONDA4 – (20-02-2016) SEGUNDA D

SEGUNDA D

CXF – PUB MUSARAÑA 2 – TAPERIA EL CORTIJO – MARIN C 2

Reparto de puntos ante un equipo experimentado y una semana más en las primeras posiciones.

A rolda desta semana enfrontaba ao noso equipo co Marín C, un encontro do cal esperabamos un resultado mellor do que ao fi nal foi para poder manternos na zona alta da clasificación. De todos modos, sabiamos que non sería unha tarefa sinxela, dado que o equipo tiña bos xogadores. Nós pola nosa parte aliñamos a Adrián Betanzos, Jacobo (un servidor), Ezequiel e mais a Javi, por orde de taboleiros.

As partidas comezaron sen demasiado que subliñar nas aperturas, nada fóra do común, pero a primeira viraxe non tardaría en chegar e sería na miña contenda. Enfrontábame ao famoso esquema do triangulito (e3-d4-c3) ao cal respondín cunha ortodoxa – como me arrepentín de non ter mirado a India de Rei para esta partida -, é dicir, que a cousa semellaba que ía ser moi aburrida, polo que tomei a decisión de arriscar e de debilitar o meu flanco de rei para intentar lograr algo de ataque, de maneira moi precipitada. Pero como era de esperar, quedei nunha posición sumamente delicada e nun erro de cálculo moi grave deixeime unha peza. O resto xa é historia, a nosa primeira derrota do día.

A partida de Javi foi a seguinte en acabar. Non pintaba mal, era unha posición bastante cerrada, pero non por iso tranquila, a última vez que fun mirala estaban a prepararse as hostilidades, Javi polo fl anco de Dama, o seu rival polo de Rei. Tivo máis éxito este último, quizais polo feito de que Javi non se defendeu do xeito máis correcto. Ao finalizar, o marcador éranos desfavorable, 0-2 e Betanzos estaba a pasar moitos apuros. Semellaba que iamos perder o noso primeiro encontro este ano.

Ezequiel era o único que tiña claras posibilidades de sacar algo positivo. A súa posición era de dobre filo, o seu rival tiña opcións, pero quen mellor estaba era o noso compañeiro. Xogou bastante ben e ademais o seu opoñente cometeu un erro bastante grave, foi bastante optimista e infravalorou as opción de ataque de Ezequiel, quen soubo aproveitar esa situación e cunha excelente combinación logrou o noso primeiro punto.

De todos modos, semellaba que a derrota era inevitable, dado que a posición de Betanzos pintaba realmente mal, nun final con calidade de menos. Foi unha verdadeira mágoa, Adrián estaba a xogar unha boa partida e tiña mellor posición, pero deixouse esa calidade nun erro de cálculo. Iso si, non se rendeu e intentou aproveitar a súa compensación, dous peóns ligados e adiantados. En realidade ese plan non tiña visas de saír ben, pero exerceu a sufi ciente presión sobre o contrario como para que se deixase un truco no que tiña que devolver a calidade. O curioso é que tiña dúas xogadas para elixir, unha delas derivaba en posición de tablas e a outra, nefasta, dáballe a vitoria a Betanzos… pois xogou esta segunda, nun erro que botaba por terra todo o bo ofi cio que demostrara ao longo da tarde e o noso compañeiro logrou unha timada inaudita.

Por tanto o resultado final do encontro foi un empate 2-2. Curto, tendo en conta que estabamos convencidos de poder vencer, pero tal como se puxeron as cousas na nosa contra, podemos dalo por un regalo do ceo. Queda claro que hai cousas que pulir no equipo de cara o futuro se queremos manternos na zona nobre da clasificación.

EL EQUIPO CXF – PUB MUSARAÑA (2016)

1.ADRIÁN BETANZOS JAMARDO
2.JACOBO LAMAS LUAÑA
3.RAUL VARELA SANTIAGO
4.EZEQUIEL PORTAS BETANZOS
5.ADRIÁN BLANCO SEIJAS
6.JAVIER OTERO PEREZ
7.IAGO SIEIRA TOURIÑO