XVI TORNEO LA MARINA

Xa pasou o torneo, unha velada moi agradable, tras a calor da tarde e unha temperatura moi agradable pola noite. 72 xogadores tivemos apuntados, malia que o final xogando só estivemos 65, tras unhas baixas de última hora e algunhas altas de afeccionados que nos vían xogar e se apuntaban, uns na ronda 2, outros na 3 e outros máis tarde.

Temén houbo compañeiros que non xogaron pero se acercaron para pasar un rato entre amigos. Igual non se repuxeran dos nervios tras o partido.

Empezamos sobre as 9, despois de que fosen chegando os inscritos tras o partido da selección. Houbo prórroga e plantexamos retrasar o torneo se houbese penaltis, pero a selección portouse e gañou no último minuto da prórroga.

E segundo chegaba o solpor fóronse encendendo as luces, pero non todas: xusto a farola onde se conectaran os focos estaba fundida. O resultado foi que tivemos que mover as mesas para quedar a carón das farolas nas últimas rondas.

O rematar a competición procedimos á entrega, na que estivo presente Mónica como representante da Marina, a nosa patrocinadora.

En canto á clasificación final, quedou de primeiro Antonio (Alvarez) Pampillón (como Martín Carreño e Andrés Ferreirós, perdeu un apelido), do club de Mos. Tras el, o FM Alexander Zambrano, o noso fichaxe venezolano polo que podemos decir que o premio é un pouco de David Seijo.

O terceiro en discordia foi o sempre presente Gonzalo, que co ourensán Miguel Reza e Luis Piquín completaron o podio. Estiveron moi disputados os postos de honor, cun cuádruple empate a 6 puntos.

Tiñamos tamén un trofeo feminino, que foi para a experta en finais Irene Diz. Outra máis do club que vai ter que comprar unha vitrina nova para tantos trofeos.

En canto os premios por idades, os veteranos foron para Luis Pardo (que non parou de agradecer a inestimable colaboración de Evaristo) Jorge María e Carlos Chaves. Quedaron en Vilagarcía, Vilanova e a Illa, todos de Arousa. Se houbese un cuarto premio tería que ir para O Grove, pero non había representantes.

En sub18 houbo un triplete do Fontecarmoa, con Luca Rey como primeiro, con outro cambadés á súa dereita, Ricardo Oubiña, e o vilagarcián Marcos Conde a esquerda.

Nos máis cativos tamén houbo unha participación xeitosa, malia que segundo anoitecía e pasaban as horas se resentían os máis pequenos. Foi o primeiro Andrés Cacabelos, da escola de Pontevedra. Ás súas beiras estiveron Lois Roo, do noso club, e Breixo Chaves, o fillo do tereiro veterano.

E con isto demos por rematado o torneo, a rapazado seguiu a festa pola vila e algúns dos veteranos quedamos repoñendo forzas na Marina antes de levar as maletas para casa.

Para acabar, queremos agradecer a participación e o bo comportamento durante o torneo, a paciencia pola falta de luz e polo ben que o pasamos todos xuntos. Tamén o noso patrocinador, a cafetería La Marina e ó Concello pola súa axuda loxística. O vindeiro 19 nos vemos en Casa Rocío.